“Сая доллартай монгол залуу” лекцийн үеэр цуглуулсан хандивын 100.000 төгрөгийг 2011 оны 11 сарын 1 өдөр хотын дарга С.Мөнхбаярт Улс төр менежментийн академийн захирал Д.Уламбаяр, багш А.Санжмятав болон оюутны төлөөлөл  гардуулан өглөө.  Энэ үеэр “яагаад заавал хотын даргад өгөв” гэдэг асуулт сэтгүүлчдээс гарч байсан учраас академийн хамт олон тэдэнд дараах хариултыг өгсөн юм. “Хотын даргад өдөр бүр асуудал шийдүүлэх хүн ирдэг.Нэг ч гэсэн удаа түүнээс юм гуйх биш өгөх нь нийслэлийн хөгжилд хувь нэмрээ оруулах бидний эрхэм зорилго”  гэдгийг онцлов.

Хотын дарга бидний  санаачилсан ажлыг талархан хүлээн аваад НЗД-ын дэргэдэх Хүүхдийн Сургалт Хүмүүжлийн Тусгай Төв буюу хагас болон бүтэн өнчин хүүхдийн асран хүмүүжүүлэх төвд хуримтлуулсан мөнгийг хандивлахаар шийд гаргасан нь цагаа олсон ажил байлаа. Нийслэлийн өдөр хотын даргад академийн “Шилдэг менежер” алтан медиалыг гардуулж амжилт хүслээ.